ലണ്ടന്‍: ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ ആഴ്‌സണല്‍, ടോട്ടനം ഹോട്‌സ്പര്‍ ടീമുകള്‍ക്ക് വിജയം. ആഴ്‌സണല്‍ മറുപടിയില്ലാത്ത ഒറ്റ ഗോളിന് ലെയ്സ്റ്റര്‍ സിറ്റിയെ പരാജയപ്പെടുത്തിയപ്പോള്‍ ടോട്ടനം 1-0ത്തിന് ക്രിസ്റ്റല്‍ പാലസിനെ വീഴ്ത്തി. മറ്റൊരു മത്സരത്തില്‍ മിഡ്ഡ്ല്‍സ്‌ബ്രോ 1-0ത്തിന് സണ്ടര്‍ലാന്‍ഡിനെ കീഴടക്കി.
കളിയുടെ അവസാന നിമിഷം വരെ ആഴ്‌സണലിനെ എമിറേറ്റ്‌സ് സ്റ്റേഡിയത്തില്‍ ഗോളടിക്കാന്‍ അനുവദിക്കാതെ പിടിച്ചു നിര്‍ത്താന്‍ ലെയ്സ്റ്ററിന് സാധിച്ചെങ്കിലും അവസാന ഘട്ടത്തില്‍ വഴങ്ങിയ സെല്‍ഫ് ഗോള്‍ അവരുടെ സമനില സ്വപ്നം പരാജയത്തിന് വഴിമാറി.
കളി അവസാന ഘട്ടത്തിലേക്ക് നീങ്ങിയപ്പോള്‍ എറിക്‌സന്‍ നേടിയ നിര്‍ണായക ഗോളിലാണ് ടോട്ടനം ക്രിസ്റ്റല്‍ പാലസിനെ മറിക്വടന്നത്. ജയത്തോടെ ഒന്നാം സ്ഥാനത്തുള്ള ചെല്‍സിയുമായുള്ള പോയിന്റ് വ്യത്യാസം നാലാക്കി കുറക്കാന്‍ ടോട്ടനത്തിനായി. ചെല്‍സിക്ക് 78ഉം ടോട്ടനത്തിന് 74ഉം പോയിന്റ്.