തിരുവനന്തപുരം: ഒന്നാംവര്‍ഷ ഹയര്‍സെക്കന്‍ഡറി, വി.എച്ച്.എസ്.ഇ പരീക്ഷാഫലം പ്രസിദ്ധീകരിച്ചു. www.keralaresults.nic.in, www.prd.k-erala.gov.in, www.results.kite.kerala.gov.in എന്നീ വെബ്‌സൈറ്റുകളില്‍ ഫലം ലഭ്യമാണ്. 

4,31,080 പേരാണ് ഒന്നാംവര്‍ഷ പരീക്ഷയെഴുതിയത്. പുനര്‍മൂല്യനിര്‍ണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകള്‍ നിര്‍ദിഷ്ട ഫീസ് സഹിതം പരീക്ഷയ്ക്ക് രജിസ്റ്റര്‍ ചെയ്ത സ്‌കൂളിലെ പ്രിന്‍സിപ്പലിന് ഓഗസ്റ്റ് മൂന്നിനകം സമര്‍പ്പിക്കണം. ലക്ഷദ്വീപ്, ഗള്‍ഫ് എന്നിവിടങ്ങളിലെ വിദ്യാര്‍ഥികള്‍ അപേക്ഷാഫീസ് ജോയിന്റ് ഡയരക്ടര്‍, എക്‌സാമിനേഷന്‍സ് (ഹയര്‍സെക്കന്‍ഡറി വിങ്), ഡയരക്ടറേറ്റ് ഒഫ് ജനറല്‍ എജ്യുക്കേഷന്‍, തിരുവനന്തപുരം എന്ന വിലാസത്തില്‍ മാറാവുന്ന ഡിമാന്റ് ഡ്രാഫ്റ്റായി സ്‌കൂള്‍ പ്രിന്‍സിപ്പല്‍മാര്‍ക്ക് സമര്‍പ്പിക്കണം. 

അണ്‍ എയ്ഡഡ് സ്‌കൂളിലെ വിദ്യാര്‍ഥികള്‍ പുനര്‍മൂല്യനിര്‍ണയം, സൂക്ഷ്മപരിശോധന, ഫേട്ടോകോപ്പി എന്നിവയ്ക്കുള്ള അപേക്ഷാ ഫീസ് ഓഗസ്റ്റ് മൂന്നിനകം ട്രഷറികളില്‍ ഒടുക്കണം. അപേക്ഷാ ഫോറം സ്‌കൂളുകളിലും റവലെസലൃമഹമ.ഴീ്.ശി എന്ന വെബ്‌സൈറ്റിലും ലഭ്യമാണ്. പുനര്‍മൂല്യനിര്‍ണയത്തിന് പേപ്പറൊന്നിന് 500 രൂപ, സൂക്ഷ്മപരിശാധനയ്ക്ക് 100, ഫോട്ടോകോപ്പിക്ക് 300 രൂപ എന്നിങ്ങനെയാണ് ഫീസ്.