വണ്ടിത്താവളം: പാറക്കളം മണിയാട്ടുകുളമ്പില്‍ അമിത വൈദ്യുതപ്രവാഹത്തെ തുടര്‍ന്ന് എട്ട് ടിവിയും അന്‍പതോളം എല്‍ഇഡി ബള്‍ബുകളും ഗൃഹോപകരണങ്ങളും കത്തിനശിച്ചു. ഉച്ചയ്ക്ക് രണ്ടരയോടെയാണ് ഇരുപതോളം വീടുകളില്‍ അമിത വൈദ്യുതപ്രവാഹമുണ്ടായത്.
അരമണിക്കൂറിനുശേഷം നിലച്ച വൈദ്യുതി വീണ്ടും സാധാരണനിലയില്‍ എത്തി. നാട്ടുകാര്‍ സെക്ഷന്‍ ഓഫിസില്‍ വിവരം അറിയിച്ചപ്പോള്‍ മരക്കൊമ്പ് ലൈനില്‍വീണ് കമ്പികള്‍ കൂട്ടിയിടിച്ചതാകാം അമിതതോതില്‍ വൈദ്യുതി പ്രവഹിക്കാന്‍ കാരണമെന്ന് അധികൃതര്‍ പറഞ്ഞു.
സന്തോഷ്, കലാധരന്‍, അപ്പുക്കുട്ടന്‍, കൃഷ്ണന്‍, ഷണ്‍മുഖന്‍, രമേഷ്, പൊന്നുക്കുട്ടന്‍, പരമന്‍ എന്നിവരുടെ ടിവിയാണ് നശിച്ചത്. ടിവിയില്‍ കണക്ട് ചെയ്തിരുന്ന സെറ്റ് ടോപ് ബോക്‌സും നശിച്ചു. ചൊവ്വാഴ്ച അണ്ണാക്കോടും അമിതതോതില്‍ ലൈനില്‍ വൈദ്യുതി പ്രവഹിച്ച് ഗൃഹോപകരണങ്ങള്‍ നശിച്ചിരുന്നു.