അനന്ത്പുര്‍: ആന്ധ്രപ്രദേശ് അനന്ത്പുര്‍ ജില്ലയിലെ എരത്തിമ്മ രാജു തടാകത്തില്‍ ബോട്ട് മറിഞ്ഞ് 13 പേര്‍ മരിച്ചു. മരിച്ചവരില്‍ ഒരു കുടുംബത്തിലെ നാലു സ്ത്രീകളും രണ്ടു കുട്ടികളും ഉള്‍പ്പെട്ടിട്ടുണ്ടെന്നാണ് വിവരം.

20 പേരെ കയറ്റിപ്പോയ ബോട്ട് തടാകത്തിന്റെ മധ്യത്തിലെത്തിയപ്പോള്‍ അപകടത്തില്‍പ്പെടുകയായിരുന്നു. അപകടം ശ്രദ്ധയില്‍പ്പെട്ട നാട്ടുകാര്‍ രക്ഷാപ്രവര്‍ത്തനത്തിനിറങ്ങുകയും രണ്ടു കുട്ടികളെ ഉടന്‍ രക്ഷിക്കുകയും ചെയ്തു. ബാക്കിയുള്ളവരെ ഇനിയും കണ്ടെത്തിയിട്ടില്ല.