തരുവണ: ഇസ്‌ലാമിനെതിരെയുള്ള വെല്ലുവിളികളെ നേരിടാനുള്ള സമസ്തയുടെ വര്‍ത്തമാനകാല പ്രബോധന മാര്‍ഗമാണ് സുപ്രഭാതമെന്ന് തരുവണ റെയ്ഞ്ച് ട്രഷറര്‍ പി.സി ഇബ്്‌റാഹിം ഹാജി പറഞ്ഞു.
പരിയാരമുക്ക് മദ്‌റസയില്‍ നടന്ന തരുവണ റെയ്ഞ്ച് സുപ്രഭാതം നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം. റെയ്ഞ്ച് പ്രസിഡന്റ് മമ്മൂട്ടി ഫൈസി അധ്യക്ഷനായി. ജില്ലാ കോഡിനേറ്റര്‍ ഹാരിസ് ബാഖവി കമ്പളക്കാട് വിഷയാവതരണം നടത്തി. മുഫത്തിശ് അലി ഫൈസി ചേരമ്പാടി, നൂറുദ്ദീന്‍ ഫൈസി, ഉസ്മാന്‍ ഫൈസി, അമ്മത് ഹാജി, ഉസ്മാന്‍ മൗലവി സംസാരിച്ചു. സെക്രട്ടറി അലി യമാനി സ്വാഗതവും അബ്ദുല്ലത്തീഫ് വാഫി നന്ദിയും പറഞ്ഞു.
സുല്‍ത്താന്‍ ബത്തേരി മദ്‌റസയില്‍ നടന്ന റെയ്ഞ്ച് നേതൃസംഗമം പ്രസിഡന്റ് മുസ്തഫ ദാരിമി ഉദ്ഘാടനം ചെയ്തു. മുഫത്തിശ് ഹനീഫല്‍ ഫൈസി അധ്യക്ഷനായി. ശിഹാബുദ്ദീന്‍ വാഫി, കെ.സി.കെ തങ്ങള്‍ സംസാരിച്ചു. അബ്ദുല്‍ കരീം ബാഖവി സ്വാഗതവും റംശാദലി ഫൈസി നന്ദിയും പറഞ്ഞു.