തളിപ്പറമ്പ്: സിനിമാ തിയറ്ററില്‍നിന്ന് വീണുകിട്ടിയ പണമടങ്ങിയ പഴ്‌സ് യഥാസമയം തിരിച്ചുനല്‍കാത്ത സംഭവത്തില്‍ പൊലിസുകാരന് സസ്‌പെന്‍ഷന്‍.
തളിപ്പറമ്പ് പൊലിസ് സ്റ്റേഷനിലെ സീനിയര്‍ സി.പി.ഒ മുഹമ്മദ് സലീമിനെയാണ് സസ്‌പെന്‍ഡ് ചെയ്തത്. ഈ മാസം 12നാണ് പഴ്‌സ് കളഞ്ഞുകിട്ടിയത്.
സലീമിന്റെ ബന്ധുവിന്റെ പഴ്‌സാണ് നഷ്ടപ്പെട്ടത്. സംഭവം സ്‌പെഷല്‍ ബ്രാഞ്ച് അന്വേഷിച്ച് റിപ്പോര്‍ട്ട് നല്‍കിയിരുന്നു. ഇതിന്റെ അടിസ്ഥാനത്തിലാണ് നടപടി. തിയറ്ററിനകത്തെ സി.സി.ടി.വി കാമറ പരിശോധിച്ചപ്പോള്‍ സലീം പഴ്‌സ് നിലത്തുനിന്നെടുക്കുന്ന ദൃശ്യങ്ങള്‍ കണ്ടെത്തിയിരുന്നു. സി.സി.ടി.വി ദൃശ്യത്തെപ്പറ്റി സൂചിപ്പിച്ചപ്പോള്‍ മാത്രമാണ് തിരികെനല്‍കിയത്.