വാഷിങ്ടണ്‍: അമേരിക്കയിലെ അലാസ്‌കയ്ക്കടുത്തുള്ള ആംഗറേജില്‍ ആകാശത്തുവച്ച് വിമാനങ്ങള്‍ കൂട്ടിയിടിച്ച് ഏഴുപേര്‍ മരിച്ചു. യു.എസ് കോണ്‍ഗ്രസിലെ റിപബ്ലിക്കന്‍ അംഗവും മരണപ്പെട്ടവരില്‍ ഉള്‍പ്പെടുന്നു. വെള്ളിയാഴ്ച പുലര്‍ച്ചെ കെനായി പെനിന്‍സുലയിലെ നഗരമായ സോള്‍ഡോട്ട്‌നയിലെ വിമാനത്താവളത്തിന് സമീപമാണ് അപകടമുണ്ടായത്.
രണ്ടു വിമാനങ്ങളിലുണ്ടായിരുന്നവരും മരിച്ചതായാണ് റിപോര്‍ട്ട്. റിപ്പബ്ലിക്കന്‍ പാര്‍ട്ടി അംഗം ഗാരി നോപ്പാണ് മരിച്ചത്. നോപ്പ് ഒരു വിമാനത്തില്‍ തനിച്ചായിരുന്നു. സൗത്ത് കരോലിനയില്‍ നിന്ന് നാല് വിനോദസഞ്ചാരികളുമായി പറന്ന മറ്റൊരു വിമാനവുമായാണ് കൂട്ടിയിടിച്ചത്. ഇതിലെ പൈലറ്റും ഗൈഡുമടക്കമുള്ളവര്‍ കൊല്ലപ്പെട്ടു. എഫ്.എ.എയും ദേശീയ ഗതാഗതസുരക്ഷാ ബോര്‍ഡും അപകടത്തില്‍ അന്വേഷണം പ്രഖ്യാപിച്ചു.