കാസര്‍കോട്: ഒരു കുടുംബത്തിലെ നാലുപേര്‍ വെട്ടേറ്റു മരിച്ചു. ഉപ്പള കന്യാനയിലാണ് നാടിനെ
നടുക്കിയ സംഭവം.

കൊല്ലപ്പെട്ടവര്‍ എല്ലാവരും അന്‍പത് വയസിനു മുകളില്‍ പ്രായമുള്ളവരാണ്. മൂന്നു പേര്‍ ഉദയന്റെ അമ്മാവന്മാരും മറ്റൊരാള്‍ മാതൃ സഹോദരിയുമാണ്. ഉദയന്റെ മാതാവ് ലക്ഷ്മിയമ്മ സംഭവ സമയത്ത് വീടിനു പുറത്തേക്കു ഓടിയതിനാല്‍ രക്ഷപ്പെടുകയായിരുന്നു. ഇവരുടെ നിലവിളികേട്ട് പരിസരവാസികള്‍ ഓടിയെത്തുമ്പോഴേക്കും വീട്ടിലെ ഓരോ മുറികളിലായി നാല് പേരും മരിച്ചു കിടക്കുന്നതാണ് കണ്ടതെന്നു പരിസരവാസികള്‍ വ്യക്തമാക്കി.

കൊലപാതക വിവരമറിഞ്ഞു മഞ്ചേശ്വരം പൊലിസ്, കാസര്‍കോട് ഡി.വൈ.എസ്.പി ഉള്‍പ്പെടയുള്ള ഉന്നത പൊലിസ് ഉദ്യോഗസ്ഥര്‍ സംഭവ സ്ഥലത്തെത്തിയിട്ടുണ്ട്. പ്രദേശവാസികള്‍ പ്രതിയെ പിടികൂടി പൊലിസ് വരുന്നത് വരെ പിടിച്ചു നിര്‍ത്തുകയായിരുന്നു. കൂടുതല്‍ വിവരങ്ങള്‍ ഇന്ന് വ്യക്തമാകുമെന്നാണ് അറിയുന്നത്. നേരത്തെ വീട്ടുകാരുമായി ഉദയന് പ്രശ്നങ്ങളുണ്ടായിരുന്നതായും വിവരമുണ്ട്. ഇന്നലെ വൈകുന്നേരം നാട്ടുകാര്‍ ഉദയയെ കന്യാന ടൗണില്‍ കണ്ടിരുന്നതായി പറയുന്നു. കൊല്ലപ്പെട്ടവരും, ഉദയയും അവിവാഹിതരാണ്.