തിരൂരങ്ങാടി: ഇസ്‌ലാം മതം സ്വീകരിച്ചതിന്റെ പേരില്‍ ആര്‍.എസ്.എസുകാര്‍ കൊലപ്പെടുത്തിയ കൊടിഞ്ഞി പുല്ലാണി ഫൈസലിന്റെ സഹോദരിയുടെ മക്കളെ ഭീഷണിപ്പെടുത്തിയെന്ന പരാതിയില്‍ ആര്‍.എസ്.എസ് പ്രവര്‍ത്തകനെ പൊലിസ് അറസ്റ്റ് ചെയ്തു. കൊടിഞ്ഞി ഫാറൂഖ് നഗര്‍ പൊന്നാട്ടില്‍ ബൈജു(37)വിനെയാണ് തിരൂരങ്ങാടി പൊലിസ് അറസ്റ്റ് ചെയ്തത്.
ഫൈസലിന്റെ മരണത്തോടെ ഇസ്‌ലാം മതം സ്വീകരിച്ച ഇളയ സഹോദരിയുടെ മക്കള്‍ കഴിഞ്ഞ 8ന് പള്ളിയില്‍നിന്നും നിസ്‌കാരം കഴിഞ്ഞ് തിരിച്ചുവരുമ്പോള്‍ 'ഇനി ഇവിടെ കണ്ടാല്‍ കൊന്നുകളയുമെന്നും, നിന്നെയും വീട്ടുകാരെയും വേരോടെ പിഴുതെറിയുമെന്നും' മൂത്ത മകനെ ബൈജു ഭീഷണിപ്പെടുത്തി എന്നാണ് പരാതി. ഫൈസലിന്റെ സഹോദരിയും മകനും തിരൂരങ്ങാടി പൊലിസില്‍ പരാതി നല്‍കിയിരുന്നു. പ്രതിയെ റിമാന്‍ഡ് ചെയ്തു