ധാക്ക: ക്രിക്കറ്റ് ലോകകപ്പിനൊരുങ്ങുന്ന ബംഗ്ലാദേശും ടീം പ്രഖ്യാപിച്ചു. 15 അംഗ ടീമിനെയാണ് ബംഗ്ലാദേശ് ക്രിക്കറ്റ് ബോര്‍ഡ് കഴിഞ്ഞ ദിവസം പ്രഖ്യാപിച്ചത്. വെറ്ററന്‍ താരം മഷ്‌റഫെ മുര്‍ത്തസയാണ് ബംഗ്ലാദേശിനെ നയിക്കുക.
ഓള്‍റൗണ്ട@ര്‍ ഷാകിബുല്‍ ഹസനാണ് ടീമിന്റെ ഉപനായകന്‍. ഏറെ നാളായി ടീമിനു പുറത്തായിരുന്ന മധ്യനിര ബാറ്റ്‌സ്മാന്‍ മൊസാദിഖ് ഹുസൈന്‍ ലോകകപ്പ് സംഘത്തിലുള്‍പ്പെട്ടിട്ടുണ്ട്. പേസര്‍ അബു ജായദാണ് ലോകകപ്പ് ടീമിലെ പുതുമുഖ താരം. കഴിഞ്ഞ മാസം ന്യൂസിലന്‍ഡില്‍ നടന്ന ടെസ്റ്റില്‍ ശ്രദ്ധേയമായ പ്രകടനം കാഴ്ചവച്ചതാണ് താരത്തിന് ടീമിലേക്കുള്ള വഴി തെളിഞ്ഞത്.
ജൂണ്‍ രണ്ട@ിന് കെന്നിങ്ടണ്‍ ഓവലില്‍ കരുത്തരായ ദക്ഷിണാഫ്രിക്കയുമായാണ് ലോകകപ്പില്‍ ബംഗ്ലാദേശിന്റെ ആദ്യ മത്സരം. ലോകകപ്പിനു മുമ്പ് മെയ് 26ന് പാകിസ്താനുമായും 28നു ഇന്ത്യയുമായും ര@ണ്ടു സന്നാഹ മത്സരങ്ങള്‍ ബംഗ്ലാദേശ് കളിക്കുന്നുണ്ട്.

ടീം
മഷ്‌റഫെ മുര്‍ത്തസ (ക്യാപ്റ്റന്‍), തമീം ഇഖ്ബാല്‍, മഹ്മ്മൂദുള്ള, മുഷ്ഫിഖുര്‍ റഹീം, ഷാകിബുല്‍ ഹസന്‍, സൗമ്യ സര്‍ക്കാര്‍, ലിറ്റണ്‍ ദാസ്, സബീര്‍ റഹ്മാന്‍, മെഹ്ദി ഹസന്‍, മുഹമ്മദ് മിഥുന്‍, റൂബെല്‍ ഹുസൈന്‍, മുസ്തഫിസുര്‍ റഹ്മാന്‍, മുഹമ്മദ് സെയ്ഫുദ്ദീന്‍, മൊസാദ്ദഖ് ഹുസൈന്‍, അബ് ജായദ്.