കണ്ണൂര്‍: ഗ്ലോബല്‍ കേരളാ പ്രവാസി വെല്‍ഫെയര്‍ അസോസിയേഷന്റെ ആഭിമുഖ്യത്തില്‍ സംസ്ഥാന പ്രവാസി കലോത്സവം ഓഗസ്റ്റ് 18നു 19നും കണ്ണൂരില്‍ നടക്കും. പള്ളിക്കുന്ന് ശ്രീപുരം സ്‌കൂളില്‍ നടക്കുന്ന കലോത്സവത്തിന്റെ ഭാഗമായി കുട്ടികള്‍ക്കു ക്വിസ്, ചിത്രരചനാ മത്സരം, ഫുഡ്‌ഫെസ്റ്റ്, മെഹന്തി ഫെസ്റ്റ് എന്നിവ സംഘടിപ്പിക്കും.
19നു സമാപനത്തോടനുബന്ധിച്ച് നടക്കുന്ന സാംസ്‌കാരിക സമ്മേളനത്തില്‍ വിവിധ മേഖലകളിലെ പ്രമുഖര്‍ സംബന്ധിക്കും.
സ്വാഗതസംഘം ഓഫിസ് പഴയ ബസ്സ്റ്റാന്‍ഡ് പരിസരത്ത് ഇന്നു വൈകിട്ട് പ്രസ്‌ക്ലബ് പ്രസിഡന്റ് എ.കെ ഹാരിസ് ഉദ്ഘാടനം ചെയ്യുമെന്നും ടി.പി വാസുദേവന്‍, പി.പി ഹസീബ് ഹസന്‍, എം. നിസാമുദീന്‍, കെ.പി നാരായണന്‍കുട്ടി, എം. സുരേന്ദ്രന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.