ന്യൂഡല്‍ഹി: രാജ്യത്ത് പ്രതിദിന കൊവിഡ് കേസുകള്‍ വീണ്ടും അരലക്ഷത്തിനു മേലെ. 56,282 കേസുകളാണ് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തത്. ഇതോടെ രാജ്യത്തെ ആകെ കൊവിഡ് ബാധിതര്‍ പത്തൊമ്പതര ലക്ഷം കവിഞ്ഞു. 19,64,537 കേസുകളാണ് ഇതുവരെ ആകെ രാജ്യത്ത് റിപ്പോര്‍ട്ട് ചെയ്തത്.

904 മരണമാണ് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തത്. ഇതോടെ രാജ്യത്തെ ആകെ കൊവിഡ് മരണം 40,699 ആയി.

രാജ്യത്ത് ബുധനാഴ്ച മാത്രം 6,64,949 ടെസ്റ്റുകള്‍ നടത്തിയെന്ന് ഐ.സി.എം.ആര്‍ (ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസേര്‍ച്ച്) റിപ്പോര്‍ട്ട് ചെയ്യുന്നു. ആകെ 5 വരെ രാജ്യത്ത് 2,21,49,351 ടെസ്റ്റുകളാണ് നടത്തിയത്.