ദോഹ: ദോഹയില്‍ നിന്നും ഇന്ത്യയിലെ തെരഞ്ഞെടുത്ത കേന്ദ്രങ്ങളിലേക്കും ധാക്ക, ഹോങ്കോങ്, ബാങ്കോക്ക്, സിംഗപ്പൂര്‍, കാഠ്മണ്ഡു, കൊളംബോ എന്നിവിടങ്ങളിലേക്കും പ്രീമിയര്‍, ഇക്കോണമി ക്ലാസുകളില്‍ ജെറ്റ് എയര്‍വെയ്‌സ് ഓഫറുകള്‍ പ്രഖ്യാപിച്ചു. ജൂലൈ 23 വരെ ജെറ്റ് എയര്‍വെയ്‌സ് ഓണ്‍ലൈന്‍, ആപ്, ട്രാവല്‍ ഏജന്റ് വഴി ടിക്കറ്റുകള്‍ ബുക്ക് ചെയ്യുന്നവര്‍ക്ക് 30 ശതമാനം വരെ ഡിസ്‌കൗണ്ടാണ് അനുവദിക്കുക. പ്രമോഷന്‍ പ്രകാരമുള്ള ടിക്കറ്റുകളില്‍ ഉടന്‍ തന്നെ യാത്ര ചെയ്യാനാവും. വണ്‍വേ, റിട്ടേണ്‍ യാത്രകള്‍ക്ക് ബുക്ക് ചെയ്യുന്നവര്‍ക്ക് ആനുകൂല്യം പ്രയോജനപ്പെടുത്താമെന്ന് ഗള്‍ഫ്, മിഡില്‍ ഈസ്റ്റ് ആന്റ് ആഫ്രിക്ക വൈസ് പ്രസിഡന്റ് ശാക്കിര്‍ കാന്താവാല അറിയിച്ചു