കൊല്ലം: കേരളാ അറബിക് ടീച്ചേഴ്‌സ് ഫെഡറേഷന്‍ സംസ്ഥാന ദ്വിദിന എക്‌സിക്യുട്ടിവ് ക്യംപിന് കൊല്ലം പള്ളിമുക്ക് ഫാത്തിമാ മെമ്മോറിയല്‍ ബി.എഡ് കോളജില്‍ ഉജ്ജ്വല തുടക്കം. ഇന്നലെ ഉച്ചയ്ക്ക് രണ്ടിന് ഫെഡറേഷന്‍ സംസ്ഥാന പ്രസിഡന്റ് എ മുഹമ്മദ് പതാക ഉയര്‍ത്തി. തുടര്‍ന്ന് സ്വാഗതസംഘം ചെയര്‍മാന്‍ മുന്‍ എം.എല്‍.എ ഡോ. എ യൂനുസ്‌കുഞ്ഞിന്റെ അധ്യക്ഷതയില്‍ ചേര്‍ന്ന സമ്മേളനം കൊല്ലം മേയര്‍ വി രാജേന്ദ്രബാബു ഉദ്ഘാടനം ചെയ്തു. സംസ്ഥാന പ്രസിഡന്റ് എ മുഹമ്മദ് ആമുഖപ്രഭാഷണം നടത്തി.
ചടങ്ങില്‍ അല്‍ ഇത്തിഹാദ് സ്‌പെഷ്യല്‍ പതിപ്പ് പാനൂര്‍ മുന്‍സിപ്പല്‍ ചെയര്‍പേഴ്‌സണ്‍ കെ.പി റംലക്ക് നല്‍കി മേയര്‍ പ്രകാശനം ചെയ്തു. നൗഷാദ് യൂനുസ്, കോളജ് പ്രിന്‍സിപ്പല്‍ ഡോ. എന്‍ അനിത, യൂത്ത്‌ലീഗ് സംസ്ഥാന വൈസ് പ്രസിഡന്റ് സുല്‍ഫിക്കര്‍ സലാം, കുരീപ്പള്ളി ഷാജഹാന്‍, എ മുഹമ്മദ്കുഞ്ഞ്, ഇ ഷാനവാസ്ഖാന്‍, എസ് അഹമ്മദ് ഉഖൈല്‍, എഫ് ഖയസ്, കെ.യു അബ്ദുല്‍റഹീം, ഷഫീഖ് റഹ്മാന്‍, വി മറിയുമ്മ, എഫ് ഖുര്‍ഷിദ്, സംസ്ഥാന ജനറല്‍സെക്രട്ടറി സി അബ്ദുല്‍ അസീസ്, കോ-ഓര്‍ഡിനേറ്റര്‍ എച്ച് സലിം എന്നിവര്‍ സംസാരിച്ചു.