മലപ്പുറം: കേരളത്തിന്റെ വികസനത്തിനു സഹകരണ പ്രസ്ഥാനങ്ങളും പ്രവാസികളും ഒന്നിച്ചു പ്രവര്‍ത്തിക്കണമെന്നു സ്പീക്കര്‍ പി. ശ്രീരാമകൃഷ്ണന്‍. അന്തര്‍ദേശീയ സഹകരണ ദിനത്തോടനുബന്ധിച്ചു മലപ്പുറത്തു സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാപഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷയായി. പെരിന്തല്‍മണ്ണ സഹകരണ അര്‍ബന്‍ ബാങ്ക് പ്രസിഡന്റ് സി. ദിവാകരന്‍ വിഷയമവതരിപ്പിച്ചു.
കേരളാ പ്രവാസി സംഘം സംസ്ഥാന സെക്രട്ടറി സെയ്താലിക്കുട്ടി, കേരളാ പ്രവാസി ലീഗ് സംസ്ഥാന ജനറല്‍ സെക്രട്ടറി ഹനീഫ മുന്നിയൂര്‍, സഹകരണ ജോയിന്റ് രജിസ്ട്രാര്‍ ഗിരീശന്‍ പിള്ള സംസാരിച്ചു.