ഈറോഡ്: ഭാര്യയെ കഴുത്തറുത്ത് കൊലപ്പെടുത്തിയ ശേഷം മൃതദേഹം ചാക്കില്‍ കെട്ടി കനാലില്‍ തള്ളാന്‍ ശ്രമിച്ച യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. കര്‍ണാടക സ്വദേശിയായ മുനിയപ്പനാണ് ഭാര്യ നിവേദിതയെ കൊലപ്പെടുത്തിയത്.
ഇരുവരും ഈറോഡിനടുത്ത മട്ടുക്കുടിയിലായിരുന്നു താമസം. എട്ടുമാസം മുന്‍പാണ് ഇവര്‍ വിവാഹിതരായത്. ഭാര്യയെ സംശയിക്കുന്ന ഇയാള്‍ യുവതിയുമായി വഴക്കിടുന്നത് പതിവായിരുന്നു. തിങ്കളാഴ്ച രാത്രിയിലും ഇതേ രീതിയില്‍ വഴക്കുണ്ടായിരുന്നു.