മാള: പൊള്ളുന്ന ചൂടിന് ആശ്വാസമായി പെയ്ത കുളിര്‍മഴയും ആവേശമാക്കി പ്രവര്‍ത്തകര്‍ വീഥിനിറഞ്ഞപ്പോള്‍ യു.ഡി.എഫ് സ്ഥാനാര്‍ഥി ബെന്നി ബെഹനാന്റെ റോഡ് ഷോ ആവേശത്തിന്റെ പെരുമഴ തീര്‍ത്തു. കനത്ത മഴയെ പോലും വകവയ്ക്കാതെ ലീഗ്, കോണ്‍ഗ്രസ് പ്രവര്‍ത്തകര്‍ നൂറുകണക്കിന് ഇരുചക്ര വാഹനങ്ങളുടെ അകമ്പടിയോടെ റോഡ് ഷോയില്‍ അണിനിരന്നു.
തുറന്ന വാഹനത്തില്‍ സ്ഥാനാര്‍ഥി ബെന്നി ബെഹനാന്‍ വഴിയരികില്‍ കാത്തുനിന്ന വീട്ടമ്മമാരേയും പ്രവര്‍ത്തകരെയും അഭിവാദ്യം ചെയ്തു.
ചെണ്ടമേളവും,മത്താപ്പുമൊക്കെയായി പ്രവര്‍ത്തകര്‍ ഉത്സവ പ്രതീതി പകര്‍ന്നു. അഷ്ടമിച്ചിറ, അന്നമനട, മാള തുടങ്ങിയ കേന്ദ്രങ്ങളിലൂടെ റോഡ്‌ഷോ പൊയ്യയില്‍ സമാപിച്ചു. യു.ഡി.എഫ് സ്ഥാനാര്‍ഥിയുടെ വിജയത്തിനായി വെല്‍ഫെയര്‍ പാര്‍ട്ടി സംഘടിപ്പിച്ച പൊതുയോഗത്തിലും ബെന്നി ബെഹനാന്‍ പങ്കെടുത്തു.