മുംബൈ: രാജസ്ഥാനിലെ ഓപറേഷന്‍ താമരയില്‍ മറ്റൊരു ഓപറേഷന്‍ നടത്തി ഗെലോട്ട് ബി.ജി.പിയെ പാഠം പഠിപ്പിച്ചെന്ന് ശിവസേന. മുഖപത്രമായ സാമ്‌നയിലെ മുഖപ്രസംഗത്തിലാണ് ശിവസേനയുടെ അഭിപ്രായപ്രടനം.
മഹാരാഷ്ട്രയില്‍ അതിരാവിലെ നടത്തിയ ഓപ്പറേഷന്‍ പാളിപ്പോയി. ഇപ്പോഴെങ്കിലും ബി.ജെ.പി പാഠം പഠിക്കാന്‍ തയാറാകണം. ചില വ്യാജ ഡോക്ടര്‍മാരെ അണിനിരത്തി മഹാരാഷ്ട്രയില്‍ സെപ്റ്റംബറില്‍ ഒരു പുതിയ ഓപറേഷന്‍ നടത്താനാണ് പുതിയ നീക്കം. കൊറോണ പ്രതിസന്ധി, തൊഴിലില്ലായ്മ, സമ്പദ്ഘടനയുടെ തകര്‍ച്ച എന്നിവയ്ക്ക് പരിഹാരം കാണുന്നതിന് പകരം ഇതരസംസ്ഥാന സര്‍ക്കാരുകളെ അട്ടിമറിക്കാനുള്ള ശ്രമമാണ് ബി.ജെ.പി നടത്തുന്നത്. ഇത് രാഷ്ട്രീയ മാനസികരോഗത്തിന്റെ ലക്ഷണമല്ലേ എന്നും സാമ്‌ന ചോദിക്കുന്നു.