മഞ്ചേരി: എസ്.കെ.എസ്.എസ്.എഫ് ജില്ലാ കമ്മിറ്റിയുടെ നേതൃത്വത്തില്‍ മഞ്ചേരി ജാമിഅ ഇസ്‌ലാമിയക്ക് കീഴില്‍ കുട്ടശ്ശേരി വലിയപൊയിലില്‍ നടന്നുവരുന്ന ശംസുല്‍ ഉലമ ഹിഫ്‌ളുല്‍ ഖുര്‍ആന്‍ സ്‌കൂളിന്റെ നാലാം വാര്‍ഷിക രണ്ടാം സനദ് ദാന സമ്മേളനത്തിന് ഇന്ന് തുടക്കമാവും.
മൂന്ന് ദിവസങ്ങളിലായി നടക്കുന്ന പരിപാടിയില്‍ സനദ് ദാനം, മജ്‌ലിസുന്നൂര്‍, പ്രഭാഷണം, മഹല്ല് സംഗമം എന്നിവ നടക്കും. ഇന്ന് വൈകീട്ട് ഏഴിന് സനദ്ദാന സമ്മേളനത്തില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, പി കുഞ്ഞാണി മുസ്‌ലിയാര്‍, ആനമങ്ങാട് മുഹമ്മദ്കുട്ടി ഫൈസി എന്നിവര്‍ സംസാരിക്കും.
നാളെ സയ്യിദ് ഫഖ്‌റുദ്ദീന്‍ ഹസനി തങ്ങള്‍, സത്താര്‍ പന്തല്ലൂര്‍, സി ഹംസ എന്നിവര്‍ സംസാരിക്കും. ബുധനാഴ്ച്ച മഹല്ല് സംഗമത്തില്‍ മുസ്തഫ ഹുദവി ആക്കോട്, എം.എല്‍.എമാരായ അഡ്വ. എം ഉമ്മര്‍, എ.പി അനില്‍കുമാര്‍ എന്നിവര്‍ പങ്കെടുക്കും.