രാമപുരം: രാമപുരം സെന്റ്. അഗസ്റ്റിന്‍സ് ഫൊറോന പള്ളിയില്‍ പെസഹാ തിരുകര്‍മങ്ങള്‍ക്ക് വികാരി റവ. ഡോ. ജോര്‍ജ് വര്‍ഗ്ഗീസ് ഞാറക്കുന്നേല്‍ നേതൃത്വം നല്‍കും. രാവിലെ 6.30 ന് തിരുകര്‍മങ്ങള്‍ ആരംഭിക്കും.  വൈകുന്നേരം 4.30 ന്റെ പൊതു ആരാധന ഫാ. പ്രിന്‍സ് കന്യാകോണില്‍ നയിക്കും. ഇന്ന് രാവിലെ 6.30 ന് പീഡാനുഭവ തിരുകര്‍മങ്ങള്‍ റവ. ഫാ. അബ്രാഹം പാലയ്ക്കത്തടത്തില്‍ സന്ദേശം നല്‍കും.  ശേഷം നഗരം ചുറ്റിയുള്ള പരിഹാര പ്രദക്ഷിണവും എസ്.എം.വൈ.എം രാമപുരം യൂനിറ്റിന്റെ ആഭിമുഖ്യത്തില്‍ നേര്‍ച്ച കഞ്ഞി വിതരണവും നടത്തും.
നാളെ തിരുകര്‍മങ്ങള്‍ക്ക് ഫാ. സെബാസ്റ്റ്യന്‍ നടുത്തടം നേതൃത്വം നല്‍കും. രാവിലെ 6.30 ന്റെ കുര്‍ബ്ബാനയ്ക്ക് ശേഷം പൊതു മാമോദീസ ഉണ്ടായിരിക്കും. ഉയര്‍പ്പുഞായറാഴ്ച്ച രാവിലെ മൂന്നുമണിയ്ക്കും, 5.30നും ഏഴിനും 8.30നും കുര്‍ബ്ബാന ഉണ്ടാകും. ഫാ. ഫ്രാന്‍സിസ് ഇടത്തിനാല്‍, ഫാ. ജോസഫ് ആലഞ്ചേരി, അപ്പച്ചന്‍ കക്കുഴയില്‍, ജോണി വാലുമ്മേല്‍, ബെന്നി കച്ചിറമറ്റം, ജോജോ മണ്ണാംപറമ്പില്‍ എന്നിവര്‍ നേതൃത്വം നല്‍കും.