പന്മന: സാമൂഹികവിരുദ്ധര്‍ നിര്‍ധന കുടുംബത്തിന്റെ പെട്ടിക്കട കത്തിച്ചു. കൊല്ലകയില്‍ തടത്തില്‍ വീട്ടില്‍ പുരുഷോത്തമന്റെ പെട്ടിക്കടയാണ് തീവച്ച് നശിപ്പിച്ചത്. വ്യാഴാഴ്ച പുലര്‍ച്ചെ നാലോടെ എഴുന്നേറ്റപ്പോള്‍ കടയില്‍ നിന്ന് തീ ആളിപ്പടരുന്നത് കണ്ട പുരുഷോത്തമന്‍ വെള്ളം ഒഴിച്ച് തീ അണയ്ക്കുകയായിരുന്നു.
കടക്കുളളില്‍ വാങ്ങിവച്ചിരുന്ന അയ്യായിരം രൂപയുടെ സാധനങ്ങളും കത്തി നശിച്ചവയില്‍പ്പെടുന്നു. പുരുഷോത്തമനും ഭാര്യയും വര്‍ഷങ്ങളായി ഈ പെട്ടിക്കട കൊണ്ടാണ് ഉപജീവനം നടത്തുന്നത്. പരാതിയെ തുടര്‍ന്ന് പൊലിസ് സ്ഥലത്തെത്തി പരിശോധിച്ചു.