സിയൂള്‍: ഉത്തര കൊറിയന്‍ ഭീഷണിക്ക് മറുപടിയെന്നോണം ദക്ഷിണ കൊറിയന്‍ തീരത്തെത്തിയ യു.എസ്.എസ് കാള്‍ വിന്‍സണ്‍ കപ്പല്‍ ദ.കൊറിയന്‍ നാവിക സേനയ്‌ക്കൊപ്പം സൈനികാഭ്യാസം നടത്തി. പ്രാദേശിക സമയം ശനിയാഴ്ച വൈകിട്ട് ആറിനാണ് കിഴക്കന്‍ കടലില്‍ സൈനികാഭ്യാസം തുടങ്ങിയത്. ഇപ്പോഴത്തെ സുരക്ഷാ പ്രാധാന്യം കണക്കിലെടുത്താണ് അഭ്യാസമെന്ന് ദക്ഷിണ കൊറിയന്‍ നാവിക സേന പറഞ്ഞു.

ശനിയാഴ്ച പ്രകോപനം സൃഷ്ടിച്ച് ഉത്തര കൊറിയ ബാലിസ്റ്റിക് മിസൈല്‍ പരീക്ഷണം നടത്തിയ സാഹചര്യത്തിലാണ് യു.എസ് സൈനിക അഭ്യാസം തുടങ്ങിയത്. അടുത്ത ആഴ്ചവരെ അഭ്യാസം തുടരുമെന്ന് ദ.കൊറിയയുടെ യൊന്‍ഹാപ് വാര്‍ത്താ ഏജന്‍സി അറിയിച്ചു.

ഉത്തര കൊറിയയില്‍ നിന്നുള്ള മിസൈലുകളെ കïെത്തി പ്രതിരോധിക്കുന്ന സംവിധാനവും സൈനികാഭ്യാസത്തിലുള്‍പ്പെടുത്തി. ചൊവ്വാഴ്ച മഞ്ഞക്കടലിലും ഇരു സൈനികരും സംയുക്ത നാവികാഭ്യാസത്തില്‍ ഏര്‍പ്പെട്ടിരുന്നു. രïു മാസത്തിനിടെ രïാം തവണയാണ് കാള്‍ വിന്‍സന്റെ സൈനികാഭ്യാസം നടക്കുന്നത്. കഴിഞ്ഞ ആഴ്ച ജപ്പാന്‍ നാവിക സേനയുമായും കാള്‍ വിന്‍സണ്‍ സൈനികാഭ്യാസം നടത്തിയിരുന്നു.