കൊണ്ടോട്ടി: ഹജ്ജ് തീര്‍ഥാടനത്തിന് ഈ വര്‍ഷം തെരഞ്ഞെടുക്കപ്പെട്ടവര്‍ക്കുള്ള രണ്ടാംഘട്ട സാങ്കേതിക പഠനക്ലാസിന്റെ സംസ്ഥാനതല ഉദ്ഘാടനം ഹജ്ജ് വകുപ്പുമന്ത്രി ഡോ. കെ.ടി ജലീല്‍ നിര്‍വഹിച്ചു.
മലപ്പുറം മുനിസിപ്പല്‍ ടൗണ്‍ഹാളില്‍ നടന്ന ചടങ്ങില്‍ ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി അധ്യക്ഷനായി. മുനിസിപ്പല്‍ ചെയര്‍പേഴ്‌സണ്‍ ജമീല ടീച്ചര്‍ മുഖ്യപ്രഭാഷണം നടത്തി.
പി ഉബൈദുല്ല എം.എല്‍.എ, ഹജ്ജ് കമ്മിറ്റി അംഗങ്ങളായ എ.കെ അബ്ദുറഹിമാന്‍, ഡോ. ഇ.കെ അഹമ്മദ്കുട്ടി, അഹമ്മദ് ബാബു സേഠ്, അബ്ദുറഹിമാന്‍ പെരിങ്ങാടി, നാസറുദ്ദീന്‍, ഷരീഫ് മണിയാട്ടുകുടി, ഹജ്ജ് അസി.സെക്രട്ടറി ടി.കെ അബ്ദുറഹിമാന്‍ സംസാരിച്ചു. കോ-ഓഡിനേറ്റര്‍ എ.പി ഷാജഹാന്‍ ക്ലാസെടുത്തു.