തെഹ്‌റാന്‍: ഇറാനിലെ കല്‍ക്കരി ഖനിയിലുണ്ടായ സ്‌ഫോടനത്തില്‍ 35 പേര്‍ മരിച്ചു. വടക്കുകിഴക്കന്‍ ഇറാനിലെ ഗൊലെസ്താനില്‍ പ്രവിശ്യയിലെ ഖനിയിലാണ് അപകടമുണ്ടായത്. നാല്‍പതോളം ആളുകളാണ് അപകടത്തില്‍ പെട്ടിരുന്നത്. അഞ്ചു പേരെ പരുക്കുകളോടെ രക്ഷിച്ചതായാണ് റിപ്പോര്‍ട്ട്. 80 തൊഴിലാളികള്‍ ഖനിയില്‍ കുടുങ്ങിയിട്ടുണ്ടെന്നാിരുന്നു ആദ്യം വന്ന റിപ്പോര്‍ട്ടുകള്‍.

തുരങ്കത്തില്‍ വിഷ വായു നിറഞ്ഞു കിടക്കുന്നതിനാല്‍ രക്ഷാപ്രവര്‍ത്തനം വളരെ സാവധാനമാണ് നടക്കുന്നതെന്ന് ഗൊലെസ്താന്‍ ഗവര്‍ണര്‍ ഹസന്‍ സദെഖ്‌ലോ  അറിയിച്ചു.