തിരുവനന്തപുരം: സമസ്ത കേരളാ സുന്നി സ്റ്റുഡന്റ്‌സ് ഫെഡറേഷന്റെ നേതൃത്വത്തില്‍ ഇന്നു നിബ്രാസുല്‍ ഇസ്‌ലാം കമ്മ്യൂണിറ്റി ഹാളില്‍ രാവിലെ ഒന്‍പതിന് കരിയര്‍ ഗൈഡന്‍സ് ക്ലാസ് നടത്തും.
എസ്.എസ്.എല്‍.സി, പ്ലസ് ടു, ഡിഗ്രി കഴിഞ്ഞവര്‍ക്കാണു ക്ലാസ്. സെന്റ്‌സേവ്യേഴ്‌സ് കോളജ് (തുമ്പ) ഇംഗ്ലീഷ് വിഭാഗം ലക്ചറര്‍ റവ. ഡൊമിനിക് ജോസഫ് ഉദ്ഘാടനം ചെയ്യും.
ഇക്ബാല്‍ കോളജ് ലക്ചറര്‍ ഷമീര്‍ പെരിങ്ങമ്മല, റിട്ട. അസിസ്റ്റന്റ് രജിസ്ട്രാര്‍ സത്താര്‍ ശ്രീകാര്യം എന്നിവര്‍ ക്ലാസെടുക്കും. എസ്.കെ.എസ്.എസ്.എഫ് കണിയാപുരം യൂനിറ്റ് പ്രസിഡന്റ് അന്‍സീഫ് അലി അധ്യക്ഷത വഹിക്കും. കണിയാപുരം മുസ്‌ലിം ജമാഅത്ത് ചീഫ് ഇമാം അന്‍വറുദ്ദീന്‍ അന്‍വരി അമരവിള, അനസ് പി കണിയാപുരം, ഹസീം പള്ളിനട, ആഷിഖ് പള്ളിനട, അബ്രാസ് അഹമ്മദ്, മിന്‍ഹാജ് ഹക്കീം, ഷാന്‍ മണ്ണില്‍ പങ്കെടുക്കും.