തിരുവനന്തപുരം: വോട്ട് ചെയ്യാന്‍ പോകുമ്പോള്‍ ഫോട്ടോ പതിച്ച വോട്ടര്‍ സ്‌ലിപ്പ് മാത്രം പോരാ. വോട്ടര്‍ തിരിച്ചറിയല്‍ കാര്‍ഡോ തെരഞ്ഞെടുപ്പ് കമ്മിഷന്‍ നിഷ്‌കര്‍ഷിച്ചിരിക്കുന്ന 11 രേഖകളില്‍ ഒന്നോ കൈവശം ഉണ്ടാവണം.
പാസ്‌പോര്‍ട്ട്, ഡ്രൈവിങ് ലൈസന്‍സ്, സര്‍വിസ് തിരിച്ചറിയല്‍ രേഖ (സംസ്ഥാന, കേന്ദ്ര സര്‍ക്കാര്‍, പൊതുമേഖല സ്ഥാപനങ്ങള്‍, പൊതുമേഖലാ കമ്പനികള്‍ എന്നിവ ജീവനക്കാര്‍ക്ക് അനുവദിക്കുന്നവ), പാന്‍ കാര്‍ഡ്, സ്മാര്‍ട് കാര്‍ഡ് (കേന്ദ്ര തൊഴില്‍ മന്ത്രാലയത്തിന്റെ വിവിധ പദ്ധതി പ്രകാരം), ആരോഗ്യ ഇന്‍ഷുറന്‍സ് സ്മാര്‍ട്ട് കാര്‍ഡ് (കേന്ദ്ര തൊഴില്‍ മന്ത്രാലയത്തിന്റെ പദ്ധതി പ്രകാരം), ഫോട്ടോ പതിച്ച പെന്‍ഷന്‍ കാര്‍ഡ്, ഔദ്യോഗിക തിരിച്ചറിയല്‍ രേഖ (എം.പി, എം.എല്‍.എ, എം.എല്‍.സി എന്നിവര്‍ക്കുള്ളത്), ഫോട്ടോ പതിച്ച പാസ്ബുക്ക് (സഹകരണ ബാങ്കുകള്‍ ഒഴികെ), തൊഴിലുറപ്പ് പദ്ധതി ജോബ് കാര്‍ഡ്, ആധാര്‍ കാര്‍ഡ്.