ഹാസന്‍: താന്‍ വീണ്ടും കര്‍ണാടക മുഖ്യമന്ത്രിയാവുമെന്ന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ കെ. സിദ്ധരാമയ്യ. ഒരിക്കല്‍ കൂടി കര്‍ണാടകയുടെ മുഖ്യമന്ത്രിയാവണമെന്നാണ് ജനങ്ങളുടെ ആഗ്രഹമെന്നും അദ്ദേഹം പറഞ്ഞു.

താന്‍ രണ്ടാമതും മുഖ്യമന്ത്രിയാവുന്നതിനെ പ്രതിപക്ഷം ഒന്നിച്ച് നേരിട്ടുവെന്നും സിദ്ധരാമയ്യ പറഞ്ഞു. ജാതിയും പണവും രാഷ്ട്രീയപ്രവേശനം നടത്തിയെന്നും സിദ്ധരാമയ്യ പറഞ്ഞു.

ഹാസനില്‍ പാര്‍ട്ടി പ്രവര്‍ത്തകരെ അഭിസംബോധന ചെയ്യുകയായിരുന്നു അദ്ദേഹം. രാഷ്ട്രീയത്തില്‍ തോല്‍വിയും വിജയവും ഉണ്ടാവുമെന്നും ഇതൊന്നും അവസാനമല്ലെന്നും അദ്ദേഹം പറഞ്ഞു.