വടകര: പുതുപ്പണം എസ്.ബി സ്‌കൂളില്‍ വോട്ടിങ് യന്ത്രം പണിമുടക്കിയത് അഞ്ചു തവണ. ഇതേ തുടര്‍ന്ന് വോട്ട് ചെയ്യാനാകാതെ ക്യൂവില്‍നിന്ന് വലഞ്ഞ വോട്ടര്‍മാര്‍ ബഹളം വയ്ക്കുകയും ചെയ്തു.
പൊലിസ് ഇടപെട്ടാണ് രംഗം ശാന്തമാക്കിയത്. രാവിലെ വോട്ടിങ് തുടങ്ങിയ ഉടനെ തന്നെ ഇവിടെ യന്ത്രം പണിമുടക്കി.
തുടര്‍ന്ന് പല തവണയായി മെഷീന്‍ തകരാറിലായതോടെ വലിയ വരി രൂപപ്പെടുകയായിരുന്നു. രാത്രി വൈകിയും ഇവിടെ പോളിങ് തുടര്‍ന്നു.