ദമാം: സഊദിയിൽ പോലീസിന്റെ മദ്യ കച്ചവട വേട്ടയിൽ കുടുങ്ങിയത് മലയാളിയായ ടാക്‌സി ഡ്രൈവർ. കിഴക്കൻ സഊദിയിലെ ദമാമിലാണ് യാത്രക്കാരനെ കാത്ത് നിന്ന ടാക്‌സി ഡ്രൈവറായ മ​ല​പ്പു​റം നി​ല​മ്പൂ​ർ സ്വ​ദേ​ശി​​ പോലീസ് പിടിയിലായത്. ഇതേ തുടർന്ന് ആറു മാസം മുമ്പ് സന്ദർശക വിസയിലെത്തിയ ഇദ്ദേഹത്തിന്റെ കുടുംബം ഇവിടെ ഏറെ പ്രയാസത്തിൽ കഴിയുകയാണ് . ര​ണ്ടാ​ഴ്​​ച മു​മ്പാ​ണ്​ കേസിനാസ്പദമായ സംഭവം.

    ടാക്‌സി ഡ്രൈവറായി ജോലി നോക്കുന്ന ഇദ്ദേഹത്തിന് ഓട്ടം പോകണമെന്ന ഫോൺ സന്ദേശത്തെ തുടർന്ന് യാത്രക്കാരനെ കാത്ത് നിൽക്കുന്നതിനിടെയാണ് പോലീസിന്റെ പിടിയിലായത്. ഫോൺ സന്ദേശത്തെ തുടർന്ന് കെട്ടിടത്തുനടുത്ത് കാത്ത് നിൽക്കുന്നതിനിടെ തന്റെ കാറിന് സമീപത്തേക്ക് വലിച്ചെറിയപ്പെട്ട കാർട്ടൻ ബോക്‌സുകൾ പരിശോധിക്കുന്നതിനിടെ പോലീസ് എത്തിയപ്പോൾ ഇദ്ദേഹം കുടുങ്ങുകയായിരുന്നു. യാത്രക്കാരനെ കാത്ത് നിൽക്കുന്നതിനിടെ ബംഗ്ളാദേശി നാല് കാർട്ടനുകൾ തന്റെ കാറിനു സമീപം വലിച്ചെറിയുകയായിരുന്നുവെന്നാണ് ഇദ്ദേഹം പറയുന്നത്. ഇതിൽ എന്താണെന്നു നോക്കുന്നതിനിടെ ഇത് വഴിയെത്തിയ പോലീസ് ഇദ്ദേഹത്തെ പിടികൂടുകയായിരുന്നു. ത​നി​ക്കൊ​ന്നു​മ​റി​യി​ല്ലെ​ന്ന്​ ആ​വ​ർ​ത്തി​ച്ച്​ പ​റ​ഞ്ഞി​ട്ടും തെ​ളി​വു​ക​ൾ എ​തി​രാ​യ​തി​നാ​ൽ പൊ​ലീ​സി​ന്​ ഇ​യാ​ളെ മോ​ചി​പ്പി​ക്കാ​ൻ ക​ഴി​ഞ്ഞി​ല്ല. മാ​ത്ര​മ​ല്ല, ര​ക്ഷ​പ്പെ​ട്ട ബം​ഗ്ലാ​ദേ​ശി​യെ പി​ടി​കൂ​ടി പ​ങ്കി​ല്ലെ​ന്ന്​ മൊ​ഴി​കൊ​ടു​ത്താ​ലേ മ​ല​യാ​ളി​ക്ക്​​ ര​ക്ഷ​പ്പെ​ടാ​ൻ പ​ഴു​തു​ള്ളൂ. ഓ​ട്ടം വി​ളി​ച്ച ആ​ളു​ടെ ടെ​ലി​ഫോ​ണും ഇ​തി​ന്​ ശേ​ഷം പ്ര​വ​ർ​ത്ത​ന​ര​ഹി​ത​മാ​ണ്.

     കെട്ടിടം കേന്ദ്രീകരിച്ച് മദ്യ വിതരണം നടക്കുന്നതായി പൊലീസിന് രഹസ്യ വിവരം ലഭിച്ചതിന്റെ അടിസ്ഥാനത്തിൽ ഏതാനും ദിവസങ്ങളായി ഇവിടം പോലീസ് നിരീക്ഷണത്തിലായിരുന്നുവെന്നാണ് വിവരം. തെ​ളി​വു​ക​ൾ എതിരാ​യ​തി​നാ​ൽ ഇ​യാ​ളെ ജാ​മ്യ​ത്തി​ൽ പു​റ​ത്തി​റ​ക്കാ​നു​ള്ള ശ്ര​മ​ങ്ങ​ളും വി​ജ​യി​ച്ചി​ട്ടി​ല്ല. നേ​ര​ത്തേ ബ്രോ​സ്​​റ്റ​ഡ്​ ക​ട ന​ട​ത്തി​യി​രു​ന്ന ഇ​യാ​ൾ അ​ത്​ ന​ഷ്​​ട​ത്തി​ലാ​യ​തോ​ടെ​യാ​ണ്​ ടാ​ക്​​സി മേഖലയിലേക്ക് തിരിഞ്ഞത്. കു​ടും​ബ​നാ​ഥ​ൻ ജ​യി​ലി​ലാ​യ​തോ​ടെ കു​ടും​ബം ബ​ന്ധു​ക്ക​ളു​ടെ സം​ര​ക്ഷ​ണ​യി​ലാ​ണ്.