ഷൊര്‍ണൂര്‍: സ്‌കൂളുകളിലെ പാചകവിതരണതൊഴിലാളികള്‍ക്ക് വേതനം ലഭിക്കുന്നില്ലെന്ന് വ്യാപകമായി പരാതി ഉയരുന്നു. സര്‍ക്കാര്‍ വര്‍ദ്ധിപ്പിച്ച വേതനമാണ് വിതരണം ചെയ്യാതെ അനന്തമായി നീണ്ടുപോകുന്നത്. ഒരു തൊഴിലാളിക്ക് 350 രൂപ കൊടുക്കാമെന്നാണ് സര്‍ക്കാര്‍ പ്രഖ്യാപിച്ചത്.
എന്നാല്‍, ഇതുവരെയും തൊഴിലാളികള്‍ക്ക് വര്‍ദ്ധിപ്പിച്ച വേതനം ലഭിച്ചിട്ടില്ല. അഞ്ഞൂറ് വിദ്യാര്‍ത്ഥികള്‍ പഠിക്കുന്ന സ്‌കൂളില്‍ ഒരു പാചകതൊഴിലാളിയും അഞ്ഞൂറില്‍ കൂടുതല്‍ വിദ്യാര്‍ത്ഥികളുള്ള സ്‌കൂളില്‍ രണ്ടു തൊഴിലാളികളും വേണമെന്നാണ് ചട്ടം അനുശാസിക്കുന്നത്.