ചെറുതുരുത്തി: കുടുംബശ്രീ സി.ഡി.എസിന്റെ നേതൃത്വത്തില്‍ തൃശൂര്‍ ഐ.എം.എ ബ്ലഡ് ബാങ്കുമായി സഹകരിച്ച് സംഘടിപ്പിച്ച രക്തദാന ക്യാംപില്‍ 60 ഓളം വനിതകള്‍ പങ്കെടുത്തു.
പഞ്ചായത്ത് വനിത തൊഴില്‍ പരിശീലന കേന്ദ്രത്തില്‍ നടന്ന ക്യാംപ് പഞ്ചായത്ത് പ്രസിഡന്റ് കെ.കെ ബാബു ഉദ്ഘാടനം ചെയ്തു. സി.ഡി.എസ് ചെയര്‍പേഴ്‌സണ്‍ യശോധമണി അധ്യക്ഷയായി.
ഐ.എം.എ ബ്ലഡ് ബാങ്ക് മെഡിക്കല്‍ ഓഫിസര്‍ ഇന്‍ചാര്‍ജ് എസ്.എം ബാലഗോപാലന്‍, പി.പി സുനിത, സി.വിജയലക്ഷ്മി, സി.ഗോപകുമാര്‍, എം.എ മോഹനന്‍ സംസാരിച്ചു.