നെടുമ്പാശ്ശേരി: കൊച്ചി നാവികസേനാ വിമാനത്താവളത്തില്‍നിന്ന് ആഭ്യന്തര സെക്ടറില്‍ 19 സര്‍വിസുകള്‍ നടത്തും. എയര്‍ ഇന്ത്യ പതിമൂന്നും ഇന്‍ഡിഗോ എയര്‍ ആറും സര്‍വിസുകളാണ് ഷെഡ്യൂള്‍ ചെയ്തിരിക്കുന്നത്.
എയര്‍ ഇന്ത്യ ബംഗളൂരുവില്‍നിന്നു കൊച്ചിയിലേക്കു രാവിലെ 7.30നും 11.40നും സര്‍വിസ് നടത്തും. കൊച്ചിയില്‍നിന്നു ബംഗളൂരുവിലേക്കു രാവിലെ 9.40നും ഉച്ചയ്ക്ക് 1.50നും സര്‍വിസുണ്ടാകും. കൊച്ചിയില്‍നിന്നു ചെന്നൈ വഴി തിരുച്ചിറപ്പള്ളിയിലേക്കു രാവിലെ ഒന്‍പതിന് എയര്‍ ഇന്ത്യ വിമാനം പുറപ്പെടും. തിരുച്ചിറപ്പള്ളിയില്‍നിന്നു കൊച്ചിയിലേക്കു രാവിലെ 10.45നും കൊച്ചിയില്‍നിന്നു ചെന്നൈയിലേക്ക് ഉച്ചയ്ക്ക് 12.45നും സര്‍വിസ് നടത്തും.നഹൈദരാബാദില്‍നിന്നു രാവിലെ 8.45നും ബംഗളൂരുവില്‍നിന്നു കോയമ്പത്തൂര്‍വഴി കൊച്ചിയിലേക്ക് ഉച്ചയ്ക്ക് 2.10നും കോയമ്പത്തുര്‍ വഴി കൊച്ചിയിലേക്കു രാവിലെ 6.30നും ഉച്ചകഴിഞ്ഞ് 3.40നും എയര്‍ ഇന്ത്യ സര്‍വിസ് നടത്തും. കൊച്ചിയില്‍നിന്നു കോയമ്പത്തൂരിലേക്കു വൈകിട്ട് 5.15നും വിമാനം പുറപ്പെടും.
ഇന്‍ഡിഗോ എയര്‍ലൈന്‍സ് ബംഗളൂരുവില്‍നിന്നു രാവിലെ അഞ്ചിനും 9.35നും കൊച്ചിയിലേക്കു സര്‍വിസ് നടത്തും. കൊച്ചിയില്‍നിന്നു രാവിലെ 7.20നു ബംഗളൂരുവിലേക്കും സര്‍വിസുണ്ട്. ചെന്നൈയില്‍നിന്ന് ഉച്ചയ്ക്ക് 1.55ന് കൊച്ചിയിലേക്കും കൊച്ചിയില്‍നിന്നു 12.15നും പുലര്‍ച്ചെ 4.15നും ചെന്നൈയിലേക്കും സര്‍വിസ് നടത്തും.