കൊയിലാണ്ടി: മുചുകുന്ന് കോവിലാരി താഴെ വയലില്‍ കക്കൂസ് മാലിന്യം തള്ളിയതായി ആക്ഷേപം. കഴിഞ്ഞ ദിവസം രാത്രിയാണ് സംഭവം. കാലത്താണ് പരിസരവാസികള്‍ സംഭവം അറിയുന്നത്. പരിസരത്തെ നിരവധി വീടുകള്‍ക്ക് ദുര്‍ഗന്ധം കാരണം പുറത്തിറങ്ങാന്‍ പറ്റാത്തത് ദുരിതമുണ്ടാക്കി. റോഡിന് സമീപമുള്ള വയലില്‍ മാലിന്യം നിക്ഷേപിച്ചതിനാല്‍ തൊട്ടടുത്തുള്ള വീടുകളിലെ കിണറുകളിലെ വെള്ളം മലിനമാകുമെന്ന ആശങ്കയിലാണ് നാട്ടുകാര്‍. നാട്ടുകാര്‍ കൊയിലാണ്ടി പൊലിസില്‍ പരാതി നല്‍കിയിട്ടുണ്ട്.