വാടാനപ്പള്ളി: നടുവില്‍ക്കരയില്‍ വീടുകളിലെ വെള്ളം ഒഴിഞ്ഞതോടെ വീട് വൃത്തിയാക്കുന്നതിനിടയില്‍ ഭീമന്‍ മലമ്പാമ്പിനെ കണ്ടെത്തി. പിടികൂടുന്നതിനിടയില്‍ യുവാവിന് കടിയേറ്റു. ശിവന്‍ എന്നയാള്‍ക്കാണ് കൈക്കും കാലിനും കടിയേറ്റത്.
വെള്ളം വലിഞ്ഞതോടെ ക്യാംപ് വിട്ട് തിരുവോണ ദിവസം കണ്ടശാംകടവ് പാലത്തിന് വടക്ക് നടുവില്‍ക്കര പുഴയോര നിവാസികള്‍ വീടുകളില്‍ ആളുകള്‍ എത്തിയിരുന്നു.
അപ്പോഴാണ് വീട്ടുപരിസരത്ത് ഒന്‍പത് അടിയോളം നീളമുള്ള മലമ്പാമ്പിനെ കണ്ടത്. കഴിഞ്ഞ ദിവസം കണ്ട ശാംകടവില്‍ രണ്ട് മലമ്പാമ്പിനെ പിടികൂടിയിരുന്നു. വെള്ളം ഒഴിഞ്ഞതോടെ വീടുകളില്‍ പാമ്പുകളുടെ ശല്യം അധികരിച്ചിട്ടുണ്ട്.