തൃക്കരിപ്പൂര്‍: നിരവധി ജീവകാരുണ്യ പ്രവര്‍ത്തനങ്ങളിലും സാംസ്‌കാരിക പ്രവര്‍ത്തനങ്ങളിലും വേറിട്ടു നിന്ന തൃക്കരിപ്പൂര്‍ റോട്ടറിയുടെ പുതിയ വര്‍ഷത്തെ സ്ഥാനാരോഹണം 24നു ഏഴിനു നടക്കാവ് ശ്രീലയം ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പ്രസിഡന്റായി സി.എച്ച് റഹീം, സെക്രട്ടറിയായി വി ഗണേഷ് എന്നിവരാണ് തിരഞ്ഞെടുക്കപ്പെട്ടത്.
ചടങ്ങില്‍ റോട്ടറി മുന്‍ഗവര്‍ണര്‍ ബാബു ജോസഫ് മുഖ്യാതിഥിയാകും. 2015-16 വര്‍ഷത്തെ പ്രവര്‍ത്തന മികവിന് എട്ട് അവാര്‍ഡുകളും ഒന്‍പതു സര്‍ട്ടിഫിക്കറ്റുകളും കരസ്ഥമാക്കിയതായി ഭാരവാഹികള്‍ അറിയിച്ചു.
പോളിയോ നിര്‍മ്മാര്‍ജനത്തിനു പ്രസിഡന്റ് സി ഷൗക്കത്തലി, മികവുറ്റ പ്രവര്‍ത്തനത്തിന് സെക്രട്ടറി വി.വി ഗോപാല്‍,ഡിസ്ട്രിക്ട് ഓഫിസര്‍ എം.വി ബാലകൃഷ്ണന്‍, വി.വി മുസ്തഫ എന്നിവര്‍ വ്യക്തിഗത മികവിനുള്ള അവാര്‍ഡിന് അര്‍ഹരായി. ഒരു നിര്‍ധന കുടുംബത്തിന് വീട് നിര്‍മിച്ചു നല്‍കാനും ജൈവ പച്ചക്കറി പ്രോത്സാഹിപ്പിക്കല്‍ ഈ വര്‍ഷത്തെ പ്രവര്‍ത്തനമാണ്. വാര്‍ത്താസമ്മേളനത്തില്‍ പ്രസിഡന്റ് സി ഷൗക്കത്തലി, നിയുക്ത പ്രസിഡന്റ് സി.എച്ച് റഹീം, നിയുക്ത സെക്രട്ടറി വി ഗണേഷ്, ഡോ. സി ശ്രീകുമാര്‍,സഞ്ചാരി ബാബു, സി സുനില്‍ കുമാര്‍ സംബന്ധിച്ചു.