കോഴിക്കോട്: 'നേര്‍രാഷ്ട്രീയത്തിന്റെ പച്ചപ്പിലേക്ക് ' പ്രമേയത്തില്‍ വനിതാ ലീഗ് സംസ്ഥാന കമ്മിറ്റിയുടെ നേതൃത്വത്തില്‍ ജില്ലകളില്‍ സംഘടനാ ശാക്തീകരണ കാംപയിനും സംസ്ഥാന ജാഥയും നടത്തി. കമ്മിറ്റി രൂപീകരണം പൂര്‍ത്തിയാകാത്ത ഘടകങ്ങള്‍ സെപ്റ്റംബര്‍ 30നകം പൂര്‍ത്തിയാക്കണമെന്ന് നേതാക്കള്‍ അഭ്യര്‍ഥിച്ചു.
കോഴിക്കോട് ലീഗ് ഹൗസില്‍ ചേര്‍ന്ന സംസ്ഥാന വനിതാ ലീഗ് പ്രവര്‍ത്തകസമിതി യോഗത്തില്‍ പ്രസിഡന്റ് സുഹറ മമ്പാട് അധ്യക്ഷയായി.
സംസ്ഥാന ജനറല്‍ സെക്രട്ടറി അഡ്വ. പി.കുത്സു, ദേശീയ ജനറല്‍ സെക്രട്ടറി നൂര്‍ബിനാ റഷീദ്, വൈസ് പ്രസിഡന്റ് ഖമറുന്നീസാ അന്‍വര്‍, സെക്രട്ടറി ജയന്തി രാജന്‍, സംസ്ഥാന ഭാരവാഹികളായ ബീഗം സാബിറ, പി. സഫിയ, റോഷ്‌നി ഖാലിദ്, സെറീനാ ഹസീബ്, ബ്രസീലിയ ശംസുദ്ദീന്‍ ചര്‍ച്ചയില്‍ പങ്കെടുത്തു.