വടകര: മനുഷ്യ മനസിനെ തൊട്ടുണര്‍ത്തിയ വേദഗ്രന്ഥമാണ് ഖുര്‍ആനെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. വടകര ബുസ്താനുല്‍ ഉലൂം ഹിഫ്‌ളുല്‍ ഖുര്‍ആന്‍ കോളജില്‍നിന്ന് ഖുര്‍ആന്‍ മനഃപാഠമാക്കിയ 14 കുട്ടികള്‍ക്ക് ബിരുദം നല്‍കി സംസാരിക്കുകയായിരുന്നു അദ്ദേഹം.
വില്യാപ്പള്ളി ഇബ്രാഹിം മുസല്യാര്‍ സനദ്ദാന പ്രഭാഷണം നിര്‍വഹിച്ചു. ടി.പി അബ്ദുറഹിമാന്‍ ബാഖവി അധ്യക്ഷനായി.
ഡോ അബ്ദുല്ലത്തീഫ് നദ്‌വി എം. സുബൈര്‍ ഹാജി അനുസ്മരണ പ്രഭാഷണം നടത്തി. സി.എച്ച് മഹമൂദ് സഅദി, എം.സി വടകര, പ്രൊഫ കെ.കെ മഹമൂദ്, ടി.പി ഇബ്രാഹിം ഹാജി, ഇസ്മായില്‍ മാസ്റ്റര്‍ സംസാരിച്ചു. എ.പി മഹമൂദ് ഹാജി റിപ്പോര്‍ട്ട് അവതരിപ്പിച്ചു. പി.സി ഹസ്സന്‍ കുട്ടി ഹാജി സ്വാഗതവും എന്‍.പി അബ്ദുല്ല ഹാജി നന്ദിയും പറഞ്ഞു.