വാഷിങ്ടണ്‍: ചൈനയിലെ കമ്മ്യൂണിസ്റ്റ് പാര്‍ട്ടി സ്വന്തം ജനതയെ അടിച്ചമര്‍ത്തുകയും അയല്‍രാജ്യങ്ങളെ ഭീഷണിപ്പെടുത്തുകയുമാണെന്ന് യു.എസ് സ്റ്റേറ്റ് ഡിപ്പാര്‍ട്ട്‌മെന്റ്. ഇത് ഇല്ലാതാക്കാനുള്ള ഏക മാര്‍ഗം ധൈര്യപൂര്‍വം അവരെ നേരിടുകയാണെന്നും യു.എസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് പറഞ്ഞു.
തായ്‌വാന്‍ മുനമ്പ്, സിന്‍ജിയാങ്, ദക്ഷിണ ചൈനാ കടല്‍, ബഹിരാകാശം, അന്താരാഷ്ട്ര സംഘടനകള്‍ എന്നിവയിലെല്ലാം ചൈനയുടെ സമീപനമിതാണെന്നു കാണാം.
ഇന്ത്യ-ചൈന സംഘര്‍ഷാവസ്ഥ യു.എസ് സൂക്ഷ്മമായി നിരീക്ഷിച്ചുവരുകയാണെന്നും സമാധാനപരമായ പരിഹാരം ആഗ്രഹിക്കുന്നതായും യു.എസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് മോര്‍ഗന്‍ ഒര്‍ട്ടാഗസ് വ്യക്തമാക്കി.