ചണ്ഡീഗഢ്: വരുന്ന ഐപിഎല്‍ സീസണിലേക്കുള്ള തങ്ങളുടെ പുതിയ ക്യാപ്റ്റനെ പ്രഖ്യാപിച്ച് പഞ്ചാബ് കിങ്സ്. ശ്രേയസ് അയ്യരുടെ നേതൃത്വത്തിലാണ് പഞ്ചാബ് ഐപിഎല്ലിനിറങ്ങുക.

ബിഗ് ബോസിലൂടെയാണ് പഞ്ചാബ് തങ്ങളുടെ ക്യാപ്റ്റനെ പ്രഖ്യാപിച്ചത്. ഷോയില്‍ ശ്രേയസ് അയ്യരും യുസ്‌വേന്ദ്ര ചഹലും ശശാങ്ക് സിങും അതിഥികളായെത്തിയിരുന്നു. 2024ലെ ഐപിഎല്ലിൽ കൊല്‍ക്കത്ത നൈറ്റ്‌റൈഡേഴ്‌സിനെ കിരീടത്തിലേക്ക് നയിച്ചാണ് അയ്യര്‍ ലേലത്തിനെത്തിയത്. 26.75 കോടി മുടക്കിയാണ് അയ്യരെ പഞ്ചാബ് ടീമിലെത്തിച്ചത്.

ഇതുവരെ ഐപിഎല്‍ കിരീടം സ്വന്തമാക്കാൻ പാഞ്ചാബിന് കഴിഞ്ഞിട്ടില്ല. ഇത്തവണ തങ്ങളുടെ പ്രഥമ ഐപിഎൽ കിരീടം ലക്ഷ്യമിടുന്ന പഞ്ചാബ് ഗ്ലെന്‍ മാക്‌സ്‌വെല്‍, യുസ്‌വേന്ദ്ര ചഹല്‍, മാര്‍ക്കസ് സ്റ്റോയിനിസ്, ലോക്കി ഫെര്‍ഗൂസന്‍ തുടങ്ങിയ പ്രമുഖരെയും തങ്ങളുടെ തട്ടകത്തിലെത്തിച്ചിരുന്നു.

 Indian cricketer Shreyas Iyer has been appointed as the captain of the Punjab team for domestic cricket matches.