കല്യാശ്ശേരി:കല്യാശ്ശേരി മേഖലയില്‍ പേപ്പട്ടിയുടെ കടിയേറ്റു. പേയിളകിയ തെരുവുനായ്ക്കളാണ് അഞ്ചുപേരെ കടിച്ചു പരുക്കേല്‍പ്പിച്ചത്. ഇന്നലെ രാവിലെ വീട്ടിനുള്ളില്‍ ഭക്ഷണം കഴിക്കുന്നവര്‍ക്കും വിവിധആവശ്യങ്ങള്‍ക്കായി പുറത്തിറങ്ങിയവര്‍ക്കുമാണ് കടിയേറ്റത്.
കല്യാശ്ശേരി മാങ്ങാട് , ബിക്കിരിയന്‍ പറമ്പ് പ്രദേശങ്ങളിലാണ് പേപ്പട്ടി ഭീതിപരത്തിയത്. ബിക്കിരിയന്‍ പറമ്പിനു ്‌സമീപത്തെ പി..പി. സമീറ, പി.പി. സഫീറ എന്നിവരെ പി.പി.ഇബ്രാഹിമിന്റെ വീട്ടില്‍ രാവിലെ ഭക്ഷണം കഴിക്കുന്നതിനിടയിലാണ് പേപ്പട്ടി കടിച്ചുപരുക്കേല്‍പ്പിച്ചത്. തൊട്ടടുത്തെ വീട്ടിലെ
ആദിത്യന്‍(14) യശോദ എന്നിവര്‍ക്കും കടിയേറ്റു. നാണുവെന്ന കെട്ടിടനിര്‍മാണ തൊഴിലാളിക്കു ജോലിക്കുപോകുംവഴി കടിയേറ്റു. മാങ്ങാട് തന്നെയുള്ള മറ്റു രണ്ടു പേര്‍ക്കും നായയുടെ കടിയേറ്റതായി പ്രദേശവാസികള്‍ പറഞ്ഞു പരുക്കേറ്റവരെ ജില്ലാആശുപത്രിയില്‍ പ്രവേശിപ്പിച്ചു. പേപ്പട്ടിയെ പിന്നീട് ഡി.വൈ. എഫ്. ഐ പ്രവര്‍ത്തകര്‍ തേടിപ്പിടിച്ചു തല്ലിക്കൊന്നു. ഈ മേഖലയില്‍ തെരുവുനായ ശല്യം രൂക്ഷമായതിനാല്‍ പ്രദേശവാസികള്‍ ഭീതിയിലാണ്.