തിരുവനന്തപുരം: രമ്യാ ഹരിദാസ് എം.പിയെ എസ്.എഫ്.ഐ പ്രവര്‍ത്തകര്‍ കരിങ്കൊടി കാണിച്ചു. വെഞ്ഞാറമൂടില്‍ എസ്.എഫ്.ഐ പ്രവര്‍ത്തകരാണ് എം.പിയെ കരിങ്കൊടി കാണിച്ചത്.

സംഭവത്തില്‍ എസ്.എഫ്.ഐ ഏരിയാ സെക്രട്ടറിയെ പൊലിസ് കസ്റ്റഡിയിലെടുത്തു.
അതേ സമയം ഒരു സ്ത്രീയോടും പറയാന്‍ പാടില്ലാത്ത രീതിയിലാണ് പ്രതിഷേധക്കാര്‍ സംസാരിച്ചതെന്നും ഒരു കോണ്‍ഗ്രസുകാരും ഇതുവഴി പോകേണ്ടെന്നും കൊല്ലുമെന്നും ഭീഷണി മുഴക്കിയതായും രമ്യാഹരിദാസ് പ്രതികരിച്ചു.

എം.പിയുടെ വാഹനം കടന്നു വരുന്നതിനിടെ ധര്‍ണ നടത്തുകയായിരുന്ന പ്രവര്‍ത്തകരാണ് കരിങ്കൊടി കാണിച്ച് എം.പിയുടെ വാഹനം തടഞ്ഞ് വാഹനത്തില്‍ കരിങ്കൊടി നാട്ടിയതെന്നാണ് പരാതി. സംഭവത്തില്‍ എസ്.എഫ്.ഐ ഏരിയാ സെക്രട്ടറി അഖിലിനെ പൊലിസ് കസ്റ്റഡിയിലെടുത്തു.