ചേര്‍ത്തല: കെ.എസ്.ആര്‍.ടി.സി ബസില്‍ യുവതിയെ ശല്യം ചെയ്ത യുവാവിനെ പൊലിസ് അറസ്റ്റു ചെയ്തു. തുറവൂര്‍ അമ്മന്‍ ചേരി വീട്ടില്‍ രാഹുല്‍ (27) ണ് അറസ്റ്റിലായത്. വെള്ളിയാഴ്ച വൈകിട്ട് തൃശൂരില്‍ നിന്ന് കൊല്ലത്തേക്കു പോകുകയായിരുന്ന യുവതിയെ വൈറ്റിലയില്‍ നിന്ന് ബസില്‍ കയറിയ രാഹുല്‍ ശല്യം ചെയ്യുകയായിരുന്നു. സഹികെട്ടപ്പോള്‍ യുവതി കണ്ടക്ടറോട് പരാതിപ്പെടുകയും തുടര്‍ന്ന് ബസ് ചേര്‍ത്തല പൊലിസ് സ്റ്റേഷനില്‍ എത്തിച്ചാണ് ഇയാളെ പിടികൂടിയത്. യുവതിയുടെ പരാതി പ്രകാരം കേസെടുത്തതായും പ്രതിയെ വൈദ്യപരിശോധയ്ക്കു ശേഷം കോടതിയില്‍ ഹാജരാക്കുമെന്നും ചേര്‍ത്തല സര്‍ക്കിള്‍ ഇന്‍സ്‌പെക്ടര്‍ പി.ശ്രീകുമാര്‍ പറഞ്ഞു.