തെഹ്‌റാന്‍: ഇറാന്‍ വിദേശകാര്യമന്ത്രി മുഹമ്മദ് ജാവേദ് ശരീഫ് ഉത്തര കൊറിയ സന്ദര്‍ശിക്കുമെന്ന് ദേശീയ ടെലിവിഷന്‍ റിപോര്‍ട്ട് ചെയ്തു. തിയതി ഉടന്‍ പ്രഖ്യാപിക്കുമെന്നും അറിയിപ്പിലുണ്ട്. അമേരിക്കയുടെ ഉള്‍പ്പെടെ അന്താരാഷ്ട്ര ഉപരോധം നേരിടുന്ന ഉത്തര കൊറിയയുടെ മുതിര്‍ന്ന നയതന്ത്രജ്ഞന്‍ റി യങ് ഹോ ഓഗസ്റ്റില്‍ ഇറാന്‍ സന്ദര്‍ശിച്ചിരുന്നു. അമേരിക്ക ഇറാനെതിരേ വീണ്ടും ഉപരോധം പ്രഖ്യാപിച്ച പശ്ചാത്തലത്തില്‍ ഇറാന്‍ വിദേശകാര്യമന്ത്രിയുടെ കൊറിയന്‍ സന്ദര്‍ശനത്തിന് രാഷ്ട്രീയ നിരീക്ഷകര്‍ വലിയ പ്രാധാന്യമാണ് നല്‍കുന്നത്.