കണ്ണൂര്‍: കണ്ണുര്‍ സ്‌റ്റേഡിയം കോംപ്ലക്‌സിന്റെ മുറിയുടെ വരാന്തയുടെ സീലീങ് അപകടഭീഷണിയുണ്ടാക്കുന്നു. കംഫര്‍ട്ട് സ്റ്റേഷന് എതിര്‍വശമുള്ള അടച്ചിട്ട മുറിയുടെ സീലിങാണ് പൊട്ടിപൊളിഞ്ഞിരിക്കുന്നത്. സീലിങിന്റെ തേപ്പ് അടര്‍ന്ന് വീണു ദ്രവിച്ച കമ്പികള്‍ പുറത്തായ അവസ്ഥയാണ്. മുറിതുറന്നു പ്രവര്‍ത്തിക്കാത്തതിനാല്‍ നിരവധി ആളുകള്‍ അപകടാവസ്ഥയിലുള്ള സീലീങ് ശ്രദ്ധിക്കാതെ പോകുന്നു. നിലവില്‍ ഇരുചക്രവാഹനങ്ങളുടെ പാര്‍ക്കിങ് സ്ഥലമാക്കിയിട്ടുണ്ട്. സീലിങിന്റെ അറ്റകുറ്റപ്പണി നടത്തി അപകടാവസ്ഥ ഇല്ലാതാക്കണമെന്ന ആവശ്യം ഉയര്‍ന്നിട്ടുണ്ട്.