പാലക്കാട് : ബിരുദ സംവരണ സീറ്റുകളിലേക്കുള്ള പ്രവേശന മാനദണ്ഡത്തില്‍ അവസാന നിമിഷം സര്‍ക്കാര്‍ എടുത്ത നിലപാട് തിരുത്തണമെന്ന് എസ് കെ എസ് എസ് എഫ് ട്രന്റ് ജില്ല സമിതി ആവശ്യപ്പെട്ടു.
ഇതുമൂലം ആയിരക്കണക്കിന് മെറിറ്റ് സീറ്റുകള്‍ ഒഴിഞ്ഞുകിടക്കുകയാണ്. അമ്പത് ശതമാനം ഓപ്പണ്‍ മെറിറ്റിനും ബാക്കി വരുന്നത് വിവിധ സംവരണ രീതികളിലുമായിട്ടാണ് സീറ്റുകളുടെ നിയമപരമായ ഘടന. ഏതെങ്കിലും സംവരണ സീറ്റുകളില്‍ വിദ്യാര്‍ത്ഥികളുടെ അപേക്ഷയില്ലാതിരുന്നാല്‍ ഓപ്പണ്‍ മെറിറ്റ് വിഭാഗത്തിലെ വിദ്യാര്‍ത്ഥികള്‍ക്ക് അവസരം നല്‍കാറാണ് പതിവ്. എന്നാല്‍ 2017 ഓഗസ്റ്റില്‍ സര്‍ക്കാര്‍ ഇറക്കിയ ഉത്തരവ് പ്രകാരം സംവരണ സീറ്റുകളില്‍ അപേക്ഷകരില്ലെങ്കില്‍ സീറ്റുകള്‍ ഒഴിച്ചിടണമെന്നത്, വിദ്യാര്‍ത്ഥികളുടെ അവസരം മനപ്പൂര്‍വ്വം നഷ്ടപ്പെടുത്തലാണ്. ബിരുദ പഠനമാഗ്രഹിക്കുന്ന വിദ്യാര്‍ത്ഥികള്‍ക്ക് എങ്ങനെയെങ്കിലും അവസരം നല്‍കുന്നതിനു പകരം പഠനാവസരം അപ്രയോഗ്യ നിയമാവലികളുമായി നിരസിക്കുന്നത് അംഗീകരിക്കാനാവില്ല. ഇത്തരം നടപടികള്‍ ഒഴിവാക്കി ഡിഗ്രി പഠന സാധ്യതകള്‍ തുറന്നു നല്‍കണമെന്ന് എസ് കെ എസ് എസ് എഫ് ജില്ല പ്രസിഡണ്ട് അന്‍വര്‍ സ്വാദിഖ് ഫൈസി കാഞ്ഞിരപ്പുഴ, ജന.സെക്രട്ടറി അസ്‌കറലി കരിമ്പ, ട്രന്റ് ഭാരവാഹികളായ മുശ്താഖ് ഒറ്റപ്പാലം, ബാബു മാസ്റ്റര്‍ ആലായന്‍, ശാഫി മാസ്റ്റര്‍ ഒറ്റപ്പാലം, ഉബൈദ് ആക്കാടന്‍ എന്നിവര്‍ ആവശ്യപ്പെട്ടു.