കാസര്‍കോട്: പെരിയ കല്യോട്ടെ ഇരട്ട ക്കൊലപാതക കേസില്‍ ഒരാള്‍ കൂടി അറസ്റ്റില്‍. കേസിലെ പതിനൊന്നാം പ്രതിയായ പ്രദീപിനെയാണ് അന്വേഷണ സംഘം പിടികൂടിയത്.
വാഹനത്തില്‍ സഞ്ചരിക്കുന്നതിനിടെയാണ് ഇയാളെ പെരിയയില്‍ വച്ച് ഇന്നലെ വൈകുന്നേരത്തോടെ അറസ്റ്റ് ചെയ്തത്. ഇക്കഴിഞ്ഞ ഫെബ്രുവരി 11ന് കല്യോട്ടെ കൃപേഷ്, ശരത്‌ലാല്‍ എന്നിവരെ ബൈക്ക് തടഞ്ഞ് നിര്‍ത്തി വെട്ടിക്കൊലപ്പെടുത്തിയ സംഭവത്തിലാണ് അറസ്റ്റ്. സംഭവത്തില്‍ സി.പി.എം ലോക്കല്‍ കമ്മിറ്റി അംഗം പീതാംബരന്‍ ഉള്‍പ്പെടെ നേരത്തെ അറസ്റ്റിലായിരുന്നു