മങ്കട: ഗ്രാമ പഞ്ചായത്ത് വാര്‍ഷിക പദ്ധതി രൂപീകരണവുമായി ബന്ധപ്പെട്ട വികസന സെമിനാര്‍ മങ്കട ബ്ലോക്ക് പഞ്ചായത്ത് പ്രസിഡന്റ് ശഹീദ എലിക്കോട്ടില്‍ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് എം.കെ രമണി അധ്യക്ഷയായി. ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ ശാലി സേവ്യര്‍, മെമ്പര്‍ നസീമ, ഗ്രാമ പഞ്ചായത്ത് വൈസ് പ്രിഡന്റ് പി അബ്ബാസലി, സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍മാരായ ജാസ്മിന്‍ ആലങ്ങാടന്‍, റസിയ പൂന്തോട്ടത്തില്‍, കെ ശശി കുമാര്‍, മെമ്പര്‍മാരായ മുഹമ്മദ് മന്‍സൂര്‍, ഉണ്ണി മാമ്പറ്റ, പി.ടി ശറഫുദ്ദീന്‍, അഡ്വ. അസ്ഗറലി, കെ മോഹന്‍ദാസ്, സുനില്‍കുമാര്‍ പി, കെ രാജേഷ് സംസാരിച്ചു.