കൊച്ചി: ആരോഗ്യ മന്ത്രിയുമായി നടത്തിയ ചര്‍ച്ചയുടെ അടിസ്ഥാനത്തില്‍ സംസ്ഥാനത്തെ മെഡിക്കല്‍ കോളജുകളിലെ ജൂനിയര്‍ നഴ്‌സുമാര്‍ നടത്തിവന്ന അനിശ്ചിതകാല സമരം താല്‍ക്കാലികമായി പിന്‍വലിച്ചു.
സ്‌റ്റൈപ്പന്റ് 13,900 രൂപയില്‍ നിന്നും 16,680 രൂപയായി ഉയര്‍ത്തിയതായി ആരോഗ്യമന്ത്രി അറിയിച്ചതിനെ തുടര്‍ന്നും നിലവില്‍ മെഡിക്കല്‍ കോളജുകളില്‍ രോഗികള്‍ നേരിടുന്ന ബുദ്ധിമുട്ടുകള്‍ കണക്കിലെടുത്തുമാണ് സമരം താല്‍ക്കാലികമായി പിന്‍വലിക്കാന്‍ തീരുമാനിച്ചതെന്ന് സി.എസ്.എന്‍ സ്റ്റാഫ് അസോസിയേഷന്‍ അറിയിച്ചു.
നാമമാത്രമായ വര്‍ധനവില്‍ തൃപ്തരല്ല. എങ്കിലും കൊവിഡ് പ്രതിസന്ധി തീരുന്ന പക്ഷം ഫയല്‍ പുനഃപരിശോധിക്കാം എന്ന് മന്ത്രി നല്‍കിയ ഉറപ്പിന്മേല്‍ നാളെ മുതല്‍ ഡ്യൂട്ടിയില്‍ തിരികെ പ്രവേശിക്കാന്‍ തീരുമാനിച്ചതായും അസോസിയേഷന്‍ അറിയിച്ചു.