സ്റ്റേജിതര മത്സരങ്ങള്‍ പൂര്‍ത്തിയായി
സുല്‍ത്താന്‍ ബത്തേരി: സുല്‍ത്താന്‍ ബത്തേരി സെന്റ് മേരീസ് കോളജില്‍ ആരംഭിച്ച കാലിക്കറ്റ് സര്‍വകലാശാല ഇന്റര്‍സോണ്‍ കലോത്സവത്തിന്റെ ( 'വയനാര്‍ട്ട് ') സ്റ്റേജിനങ്ങള്‍ ഇന്ന് തുടങ്ങും. ബുധനാഴ്ച ആരംഭിച്ച സ്റ്റേജിതര മത്സരങ്ങള്‍ ഇന്നലെ പൂര്‍ത്തിയായി. അഭിമന്യു, രോഹിത് വെമുല, ഗൗരിലങ്കേഷ്, ഗോവിന്ദ് പന്‍സാരെ, കല്‍ബുര്‍ഗി എന്നിവരുടെ പേരിലുള്ള അഞ്ചുവേദികളിലാണ് മത്സരങ്ങള്‍ നടക്കുക.
436 കോളജുകളില്‍ നിന്നായി 5,000ത്തോളം പ്രതിഭകളാണ് 106 ഇനങ്ങളില്‍ മാറ്റുരയ്ക്കുന്നത്. കോഴിക്കോട്, വയനാട്, മലപ്പുറം, തൃശൂര്‍, പാലക്കാട് ജില്ലകളില്‍ നിന്നുള്ള വിദ്യാര്‍ഥികള്‍ക്ക് പുറമെ ലക്ഷദ്വീപില്‍ നിന്നുള്ളവരും മത്സരങ്ങളില്‍ പങ്കെടുക്കും.