മലപ്പുറം: മുസ്്‌ലിം എജുക്കേഷനല്‍ സൊസൈറ്റി(എം.ഇ.എസ്)യുടെ ശരീഅത്ത് വിരുദ്ധ നീക്കങ്ങള്‍ക്കെതിരെ നാളെ പ്രതിഷേധ സംഗമം. എസ്.വൈ.എസ് മലപ്പുറം ജില്ലാ കമ്മിറ്റിയുടെ നേതൃത്വത്തില്‍ പെരിന്തല്‍മണ്ണ അങ്ങാടിപ്പുറം എം.ഇഎസ് മെഡിക്കല്‍ കോളജിന് സമീപം വൈകീട്ട് നാലിനാണ് പരിപാടി. നാഖാബ് ധരിക്കുന്ന ഒരുകുട്ടിക്കു പോലും എം.ഇ.എസ് സ്ഥാപനങ്ങളില്‍ പ്രവേശനം നല്‍കരുതെന്ന് സൂചിപ്പിച്ച കഴിഞ്ഞ ദിവസം പ്രസിഡന്റ് ഡോ: ഫസല്‍ ഗഫൂര്‍ സര്‍ക്കുലര്‍ ഇറക്കിയിരുന്നു. പര്‍ദ്ദ ഉള്‍പ്പെടെയുള്ള വസ്ത്രങ്ങള്‍ക്കെതിരെ നേരത്തെ പരസ്യമായ നിലപാട് സ്വീകരിച്ച എം.ഇ.എസ് ഇതിന്റെ പേരില്‍ കുട്ടികളെ സ്ഥാപനങ്ങളില്‍ നിന്ന് പുറത്താക്കുകയും ചെയ്തുരുന്നു.

വ്യക്തികളുടെ വസ്ത്ര സ്വതന്ത്രവും വിശ്വാസ സ്വാതന്ത്രവും ഹനിക്കുന്ന എം.ഇ.എസിനെതിരെ ശക്തമായ സമര പരിപാടികള്‍ തുടങ്ങുന്നതിന്റെ ഭാഗമായാണ് ആദ്യഘട്ടത്തില്‍ എസ്.വൈ.എസ് മലപ്പുറം ജി്ല്ലാ കമ്മിറ്റിയുടെ നേതൃത്വത്തിലുള്ള പ്രതിഷേധ സംഗമം. ബുര്‍ഖ ധരിച്ചു പഠനം നടത്തരുതെന്ന് ഒരു വിദ്യാര്‍ഥിനിയോട് എം.ഇ.എസ് അധികൃതര്‍ പറഞ്ഞതിനെ തുടര്‍ന്നു ആ വിദ്യാര്‍ഥിനിയുടെ എം.ബി.ബി.എസ് പഠനം നഷ്ടപ്പെട്ട വാര്‍ത്ത സുപ്രഭാതം ഇന്നു പുറത്തു വി്ട്ടിരുന്നു.